Al traviés de paneles interpretativos y cola ayuda de mapes, cronogrames y fotografíes el públicu puede facer un percorríu nel Centru de Recepción ya Interpretación poles distintes etapes del arte prerrománicu asturianu y polos quince monumentos que formen esta arquitectura.

El Centru tamién cunta con maquetes de Santuyano d´Uviéu, San Salvador de Valdediós y Santa María de Naranco y con un audiovisual, cedíu pol Muséu Arqueolóxicu d´Asturies, sobre los templos y construcciones que componen el Prerrománicu asturianu. Amás, los visitantes pueden atopar la información disponible n´inglés, francés y en llinguaxe Braille.

El públicu va poder esfrutar amás d´un puntu de consulta con llibros monográficos sobre los monumentos y sobre l´arte prerrománico asturianu. Pa los más pequeños hai una área específica na que van poder realizar los sos propios dibuxos de los monumentos asturianos mientres la visita al equipamientu.

Tamién se dispón d´un interactivu, en castellán y n´inglés, nel que s´espliquen los detalles de los monumentos y les fases arquitectóniques d´esti arte.

Servicios

• Puntu d´información al públicu
• Visites guiaes. 
  
• Talleres.
• Zona de consulta de llibros. 
  
• Puntu de venta de llibros, artesanía, regalu, etc.
• Actividaes especiales
• Mochiles portaneños n´empréstamu
• Máquina de venta automática de bebida caliente.